Сите гледаме Светско првенство, а тоа ќе не чини 11,9 милијарди долари
Објавено во: Финансии 20 Јуни, 2018
Вкупно 11, 9 милијарди долари од светскиот бруто домашен производ е во опасност да биде изгубен во текот на првите две недели од Светското фудбалско првенство.
Се стравува дека ќе падне продуктивноста во период на работно време, според пресметките на агенцијата „Блумберг“.
Сметајќи колку продуктивни часа се во опасност поради овогодишниот турнир и која е цената за работодавците и економиите ширум светот, „Блумберг“ појде од претпоставките дека класично работно време трае од девет часот наутро до пет попладне, и дека 50 отсто од работната сила од секоја популација значајно ќе биде заинтересирана да го гледа Мудијалот.
Според анализите на њујоршката агенција, натпреварите кои Бразил ќе ги одигра со Србија и Костарика, скапо ќе ја чинат бразилската економија , бидејќи ќе предизвика прекин на работното време.
Иако Бразил важи за фаворит за основање на Мундијалот, зголемената продуктивност , во случај на победа, нема да има значен ефект ниту ќе трае доволно долго за да се надомести фондот на изгубени работни часа, се оценува во извештајот.
Ако дојде до неочекуван пораз на Бразил од Костарика , последиците би можеле да бидат катастрофални, а продуктивноста би паднала 11,4 отсто во часовите по натпреварот.
Од таа причина, бразилската влада смислила нов пристап, да им дозволува на државните службеници да го усогласат своето работно време со часот кога ќе се натпреварува домашниот тим.
Во првиот круг на Мундијалот, повеќето бразилски државни агенции на вработените ќе им дозволат да одат порано од работа ако попладне се одржува мечот или да дојдат подоцна кога Бразил игра наутро.