Сите обиди за филибастеринг во Собранието: Како ќе заврши работата во „домашна атмосфера“ на пратениците

Добивај вести на Viber

Не стивнуваат реакциите во јавноста откако беше обелодената дел од содржината на амандманите со кои опозицијата во Собранието се обидува да влијае на носењето на измените на Деловникот со кои се овозможува и онлајн присуство на пратениците кои се заразени на собраниските седници. На предложените измени беа доставени над 3.000 амандмани, дел од тие се на Левица. Дел се чудни и бесмислени како на пример тоа изолираните пратеници за Велигден пред камерата да ставеле бојадисано јајце

„Пратениците се должни да носат пижами при учество на седницата од далечина ако времетрањето на одржување е после 20 часот, стои во еден од амандманите. 

Образложението е дека така треба да се задржи нивото на домашна атмосфера.

Но не е само овој амандман. Левица смета дека ова е таканаречен филибастеринг - во законодавниот процес означува право на неограничена расправа за одредена прашање. Користејќи право на филибастеринг можно е да се одложи или целосно да се спречи гласање за некој закон.  

Вчера премиерот Зоран Заев споделувајќи фотографија од еден од амандманите реагираше на овој тип опструкција на работата на Парламентот.

„Еве ја цела апсурдност и нелогичност на блокирањето на Собранието од страна на опозицијата. Еве го односот на Мицкоски и дел од пратениците од опозицијата кои дејствуваат по неговите опасни насоки. Ова е срамна непочит кон македонските граѓани.

Уште еднаш ги повикувам пратениците од опозицијата да не посегнуваат кон загрозување на помошта за лозарите, пензионерите, самохраните родители, филмските работници, за сите граѓани, напиша Заев.

На ова одговори лидерот на Левица Димитар Апасиев и рече дека се мешаат баби жаби

Забрчанец, дај бе кажи му на Прајминистеров дека ФИЛИБАСТЕРИНГОТ потекнува од Римското право. А ја баш Римско право предавам, напиша Апасиев.

Инаку вакви обиди со многу амандмани да се блокира работата на Собранието имаше и порано. Самиот Талат Џафери во 2012 година кога се носеше Законот за бранители 40 дена се јавуваше за збор чиаше поезија или молчеше и така ја блокираше работата на Комисијата за труд и социјална политика. Истата година пратеничката група на СДСМ, тогаш во опозиција, поднесе 1.000 амандмани на предлог буџетот за 2013 година. Оваа блокада заврши со „црниот понеделник“. Кога беше во опозиција ВМРО-ДПМНЕ поднесе над 19.000 амандмани на Законот за употреба на јазиците.

Филибастеринг имаше и кога се бираше Џафери за претседател на Собранието. Пратениците на ВМРО-ДПМНЕ со реплики и со контрареплики кои си ги даваа едни на други и со процедуралани забелешки, речиси еден месец во 2018 година блокираа конститутивната седница за избор на Талат Џафери за претседател на Собранието. Филибастерингот на ВМРО-ДПМНЕ заврши со упад и со насилства во Собранието, во кои беа повредени актуелниот премиер Зоран Заев, пратеници и новинари.

А.Т.