СИТЕ СМЕ МАКЕДОНИЈА (3/3)

Добивај вести на Viber

Втората основа за дефинирање на поимот Македонија претставува ПРАКТИЧНА/РЕАЛНА или народски кажано: живеачка основа.

Трите корени кои ја креираат живеачката основа се:

1.Македонија како МИНАТО (место на раѓање)

МИНАТОТО во еден најопшт контекст означува нешто што поминало; јазично опредлено – (минато) свршено време. Од математички аспект, пак,

МИНАТО=ИСТОРИЈА.

Местото на раѓање е дестинација определена од нашите родители и од здравствените односно болничките услови во моментот на нашето раѓање.

Сублимирано, Македонија како МЕМОРАБИЛИЈА/МИНАТО за МИЛЕНИЈАЛС генерацијата (или Generation Y, родените 1985-2000 година), чие „време е дојдено“, чиј припадник (не и претставник) сум, математички претставено изгледа вака:

ЖЕЛБА ЗА САМОСТОЈНОСТ + ТРАНЗИЦИЈА + НЕСИГУРНОСТ.

И последните години оваа ГЕНЕРАЦИЈА беше единствено ПРОЗИВАНА поради својата ЖЕЛБА за подобар живот и БЕГАЊЕ НА ЗАПАД.

Но, разберете: за оваа ГЕНЕРАЦИЈА да може да продолжи да го гради она кое претходните генерации го започнале, изградиле, засадиле, на оваа ГЕНЕРАЦИЈА треба да и се остави простор МИНАТОТО да го стави во витрините на ИСТОРИЈАТА.

Да почнеме да гледаме на

2.Македонија како СЕГАШНОСТ

ИСТОРИЈАТА е завршена (Фукујама).

ЖЕЛБАТА ЗА САМОСТОЈНОСТ е остварена.

ТРАНЗИЦИЈАТА е помината.

НЕСИГУРНОСТА е надрасната.

Не постои ЗАКАНА за постоењето и опстојувањето.

Не постои ЗАВЕРА против Македонија и Македонците.

Пораснавме. Созреавме.

Почнавме Македонија да ја ЖИВЕЕМЕ.

И за да почнеме да ЈА ГЛЕДАМЕ

3.Македонија како ИДНИНА

МОРАМЕ да разбереме:

Не сум само „Јас“ Македонија.

Не си само „Ти“ Македонија.

Не сме само „Ние“ Македонија.

Не е дека „мојата“ Македонија не е и „твоја“ Македонија.

СИТЕ СМЕ МАКЕДОНИЈА