СЈО и разрешувањето на Катица Јанева: Маневри до 15 септември
Објавено во: Македонија 11 Септември, 2019
Има ли простор да се реши судбината на Специјалното јавнообвинителство до 15 септември до кога трае мандатот на ова обвинителство. Преоворите кои доцна в ноќта безуспешно ги водеа лидерите Зоран заев и Христијан Мицкоски не ја одредијаиднината на обвинителството и засега останува незивесно дали предложениот закон ќе биде усвоен.
Нема многу детални информации, од брифинзите на парииите е јасно дека власта и опозицијата останале ворововите - секој со своја визија за иднината на СЈО.
„Договор за нов Закон за обвинителство можеби и ќе се постигнеше доколку премиерот Заев не беше токолу нервозен во врска со предметот Рекет, што не може да прифати ниедно системско решение за висока корупција во кое друг професионален обвинител би имал увид во овој мега-скандал, освен владино-подобната обвинителка Вилма Рускоска. Таквото однесување остава сомнеж дека хиерархијата на соучесници и организатори во Рекет е многу повисоко во власта, од улогата која во овој криминал ја имала осомничената Катица Јанева“, напиша пратеникот од ВМРО-ДПМНЕ Антонио Милошоски на својот фејсбук профил сабајлево по завршувањето на средбата
Од СДСМ велат дека додека сите граѓани очекувале договор во интерес на правната држава, Христијан Мицкоски на вчершаната лидерска средба „безобразно и во груевистички стил го бранел криминалот на режимот барајќи сите предмети од СЈО да ја изгубат својата иднина“
„Тимот на СДСМ предводен од претседателот Заев им понуди формирање нова обвинителска институција која ќе гони висока корупција за сите нови случаи за да се гарантира правната држава, но нив тоа не ги интересираше бидејќи бараа единствено бегство од законот за сите обвинети од нивната режимска структура. Предлогот беше прв човек на таа нова обвинителска институција да предлага опозицијата, но и тоа ВМРО-ДПМНЕ го одби, велат од СДСМ.
Денешниот ден треба да покаже како ќе заврши обидот за решение и дали воопшто ќе го има. Уште на стартот на преговорите на работните групи премиерот Зоран Заев рече дека има можности ако не се донесе новиот закон, на местото на обвинителите од СЈО да се стават в.д. обвинители и тие да продолжат да работат. Во меѓувреме сепак сите предмети од СЈО по наредба на притворената Катица Јанева треба да се префлат во ЈО. Таа пак најдоцна до 15 сепетмври мора да биде разрешена од страна на Собранието.