СЈО продолжува со распит на осомничени во „Талир“
Објавено во: Македонија 10 Јуни, 2017
СЈО продолжува со истражните дејствија за предметот „Талир“ кој е покренат за можни злоупотреби на финансиите на ВМРО-ДПМНЕ со донации од членството. За денеска на распит во СЈО, освен Емил Димитриев, Даниела Рангелова, Миле Јанакиески, биле повикани и другите осомничени за злоупотреба на околу 5 милиони евра во опозициската ВМРО-ДПМНЕ, додека била на власт.
Осомничените Никола Груевски, Мартин Протоѓер, Кирил Божиновски, Илија Димовски и Леко Ристовски не дојдоа бидејќи не примиле покана. Нивните покани за распит биле вратени назад во СЈО како неуредно доставени.
Во случајот „Талир“ осомничени се 11 високи функционери на ВМРО-ДПМНЕ, меѓу кои и лидерот на партијата. Тие се товарат за перење пари и за незаконско финансирање на партијата.