СЈО со „Триста“ на саат - Почнува ново судење

Добивај вести на Viber

Специјалното јавно обвинителство продолжува со засиленото темпо на работа и денеска треба да го застапува обвинението кое го покрена за случајот „Триста” за набавка на 300 возила за потребите на МВР, односно за оштетување на државниот буџет за 453.570 евра, за што денеска е закажано првото рочиште пред судот.

„Обвинителниот акт на Јавното обвинителство за гонење кривични дела поврзани и кои произлегуваат од незаконското следење на комуникацииите (СЈО), означен како „Триста”, кој беше одобрен од Советот за оценка на обвинителен акт и врз основа на кој е оформен предмет, согласно АКМИС, по електронски пат е распореден за понатамошно постапување кај судијата Лидија Петровска од Одделот за гонење организиран криминал и корупција, која главната расправа ја закажа за 15 ноември 2017 година, во 10.30 часот, за кога се испратени покани за странките во постапката”, соопшти во почетокот на октомври Основниот суд Скопје 1. 

Случајот „Триста” се однесува на набавка на 300 возила за потребите на МВР, односно за оштетување на државниот буџет за 453.570 евра, а за што е обвинет Ѓоко Поповски, помошник-министер во Министерството за внатрешни работи. Поповски, според СЈО, тендерот за купување, сервисирање и за одржување на возилата им го доделил на фирми кои немале најевтина понуда.

Исто така и во овој случај прислушкуваните разговори се прифатени како докази.