СЈО тврди дека Јанкулоска комуницирала со функционери во држави каде може да избега, таа негира секаква вина
Објавено во: Македонија 21 Јули, 2017
Со СЈО во Апелација денеска се сретна и екс министерката за внатрешни работи Гордана Јанкулоска за која и денес е побаран притвор.
Јанкулоска си го бара пасошот назад а специјалните обвинители велат дека екс министерката контактирала со високи функционери на држави во кои би можела да се засолни, односно да избега.
Одбраната пак тврди дека поранешната министерка не влијаела врз сведоци и дека нема докази за такво нешто а Јанкуловска пред апелационите судии посочи дека ниту едно од кривичните дела кои и се ставаат на товар не ги сторила.
За неа барањата за притвор се неосновани Јанкулоска, изјави: „Сум работела во безбедносна институција, мојата научна работа е од областа на криминалот, моите познанства и контакти со странски функционери биле исклучиво во корист на Македонија. Мојот личен профил не соодветствува со тврдењето на СЈО дека ќе сум избегала. Еве пред Судот ветувам дека нема да бегам од постапката. И не сум влијаела врз сведоци, јас две години немам стапнато во МВР, немам никакви контакти со вработените”.