СКОК НА НАФТАТА: Сега е поскапа од ноември 2014
Објавено во: Економија 17 Мај, 2018
Цените на сировата нафта утрово достигнале 80 долари за барел, што е наголемо ниво од ноември 2014 година.
Растот е условен со помала испорака, а голема потрошувачка.
Аналитичарите проценуваат дека растот ќе продолжи поради неповолните геополитички движења и намалување на производството во САД. Американската банка „Морган Стенли“ најавува дека до 2020 година барел нафта ќе чини 90 долари за барел.
Растот е предизвикан во голем дел од кризата во односите на Блискиот Исток, повлекувањето на САД од нуклеарниот договор, и порастот на побарувачката. Меѓутоа, Меѓународната енергетска агенција (ИЕА) смета дека нема да има дополнителен пораст на побарувачката и оти тоа би можело да влијае врз забавување на растот на цените.