26 Април, 2018
0.0813

Скопјанец и тетовец „заработија“ кривични за настаните од 27 април

Објавено во: Македонија 19 Мај, 2017

Полицијата поднесе кривична пријава против А.Б. (60) од Тетово и А.Ш. (22) од Скопје поради постоење основи на сомнение за сторено кривично дело „учество во толпа што ќе спречи службено лице во вршење на службено дејствие“. 

А.Б., откако насилно влегол во Собранието, во прес - салата се туркал и се обидел физички да се пресмета со обезбедувањето на пратеникот О.С., упатувајки им закани. Во моментот кога сакал да се доближи до пратениците бил задржан од страна на друго лице. Второпријавениот А.Ш. насилно ја отворил влезната врата на Собранието, удирајки ја со раце и нозе, притоа туркајќи ги и влечејќи ги полициските службеници поставени во кордон пред вратата.

За преземените дејствија на двајцата пријавени обезбедени се видео записи, со нив биле извршени разговори во кои целосно ги појасниле преземените дејствија, по што се ослободени, соопшти МВР.

До Основно јавно обвинителство Скопје доставени се и три известувања. Првото се однесува за извршени прегледи на видео материјали од настаните на 27.04.2017 година во Собрание на Република Македонија при што било утврдено дека осум лица се присутни во Собранието, но немаат преземено никакви дејствија. Второто се однесува на барање за издавање Наредби до мобилен оператор за издавање на листинзи на телефонски број сопственост на лице за кого претходно е поднесена кривична пријава и извршен претрес во дом и други простории. Третото известување се однесува за обезбедена целокупна здравствена документација на лица кои се пријавиле како оштетени од наведениот кривично правен настан во ЈЗУ Универзитетска клиника по хируршки болести „Св. Наум Охридски“ – Скопје.

По претходно доставена покана, во просториите на СВР Скопје бил извршен разговор со лицето С.С. (38) од Скопје, по што лицето е ослободено. Во консултации со Јавен обвинител ќе биде поднесен соодветен поднесок. Исто така, бил извршен разговор и со лицата О.Р. (42) и С.М. (51), двајцата од Скопје и вработени во Управата за безбедност и контраразузнавање. По извршениот разговор и тие биле ослободени, а во консултации со Јавен обвинител ќе биде поднесен соодветен поднесок.

На 18-ти овој месец од страна на полициски службеници од СВР Скопје, постапено е по издадена наредба од судија на претходна постапка за вршење на претрес во дом и други простории кај лицето И.Ј. (46) од Куманово, но претресот не бил извршен затоа што никој не ја отворал вратата.

Можеби ќе ве интересира

Советот за реформи во правосудство повторно заседаваше - Во фокус Закон за судии

Советот за реформи во правосудство повторно заседаваше - Во фокус Закон за судии

Дали се аргументирани сведочењата за „Тенк“ кога дури и средството за брисачите на ВИП-возилата мора да се провери

Дали се аргументирани сведочењата за „Тенк“ кога дури и средството за брисачите на ВИП-возилата мора да се провери

Јосифовски: Моделите за вишок храна помагаат луѓето да излезат од циклусот на сиромаштија

Јосифовски: Моделите за вишок храна помагаат луѓето да излезат од циклусот на сиромаштија

Нимиц: Двете страни се посветени на постигнување решение

Нимиц: Двете страни се посветени на постигнување решение

Мицкoски: 500 евра плата е лажно и недостижно ветување

Мицкoски: 500 евра плата е лажно и недостижно ветување

И МАКЕДОНИЈА ИМА СУПЕР БАБИЧКА: Живее во Демир Капија

И МАКЕДОНИЈА ИМА СУПЕР БАБИЧКА: Живее во Демир Капија

Таксист сексуално вознемирувал девојче кое го превезувал

Таксист сексуално вознемирувал девојче кое го превезувал

Заев: Создаваме позитивен економски амбиент за нови инвестиции и развој на конкурентноста

Заев: Создаваме позитивен економски амбиент за нови инвестиции и развој на конкурентноста

Тело во распаѓање обесено на дрво пронајдено во Ресен

Тело во распаѓање обесено на дрво пронајдено во Ресен