СКОПЈАНЕЦ УКРАЛ ПЕТ ИКОНИ ВРЕДНИ ИЛЈАДА ЕВРА - ќе добие притвор
Објавено во: Македонија 10 Јули, 2020
Основното јавно обвинителство Скопје поднело Обвинителен предлог против 42-годишен скопјанец, кој го сторил кривичното дело – Тешка кражба од член 236 став 1 точка 1 од Кривичниот законик. Истовремено, јавниот обвинител предложи на Судот, на обвинетиот да му се определи мерка притвор, бидејќи постои опасност од бегство.
Обвинителството соопшти дека обвинетиот го сторил кривичното дело на 8 јули 2020 година, во 22.00 часот.
„Провалувајќи влегол во внатрешноста на црквата Св.Петка Исконска, сопственост на МПЦ Скопска епархија, на начин што со употреба на погоден тврд предмет го отворил прозорот на црквата. Тој со намера противправно да ги присвои, одзел икона од светец „Св.Петка Исконска“, икона од светец „Св.Климент“, икона од светец „Св Петка“, икона од светец „Св. Нектарија Египски“ и икона од светец „Св. Илија“. Откако ги одзел иконите, во вкупна вредност од 61.500 денари, односно илјада евра, обвинетиот го напуштил местото на настанот“, се вели во соопштението од Обвинителството.