19 Август, 2018
0.3052
    ALK 7956.45    -0.54%     GRNT 793.88    -1.36%     KMB 5168.81    -0.47%     MERM 2006    126.41%     MKSD 204    0%     MPT 44500.29    -1.11%     MTUR 4600    -1.08%     OHB 6500    -0.01%     OKTA 4215.18    -6.1%     PPIV 44500    -1.13%     RADE 1700    -0.12%     RMDEN17 96.02    -0.08%     RZEK 30    0%     RZTK 511    0%     RZUS 120    -2.94%     STB 1031.49    0.11%     STIL 131.22    -1.34%     TEL 277.4    -1.52%     TNB 14130    -0.46%     TTK 1146    -0.09%     UNI 2400    0.04%     VITA 8767    3%

Скопски пазар во долгови, продал недвижнини вредни милиони евра

Објавено во: Економија 23 Февруари, 2018

Некогашниот трговски гигант, Скопски пазар,се наоѓа во големи долгови, а во изминатите четири години продал или заложил недвижнини во вкупна вредност од околу 500 милиони денари, или 9 милиони евра, покажуваат податоците од финансиските и ревизорските извештаи на компанијата.

Според извештаите, вкупните обврски на компанијата заклучно со 31 декември 2017 година изнесуваат повеќе од една милијарда денари (16 милиони евра), од кои најголем дел се долгови кон добавувачи и кон банки, како и обврски по основ на примени аванси за веќе продадени недвижнини. Според ревизорскиот извештај на компанијата за 2016 година, Скопски пазар заложил под хипотека имот вреден околу 18 милиони евра.

Деновиве во јавноста се актуелизира состојбата во познатата трговска компанија, која изминативе месеци ги затвори сите свои маркети во Скопје. Големата распродажба на имотот на Скопски пазар ескалира во последните неколку месеци – во јануари, Скопски пазар ја извести Македонската берза дека ја укинува регистрацијата на преостанатите десет СП и Макси-Д маркети во Скопје, и дека тие се издаваат. 

Маркетите сега се издадени на двајца поранешни конкуренти на СП – Зур и Кит-го, кои презеле и дел од вработените на Скопски пазар.

Наспроти сето ова, раководството на компанијата, предводено од Сашо Давитковски, деновиве најави инвестиција во обнова на скопскиот Бит-пазар. Не е јасно како Скопски пазар ќе го финансира овој проект, ако се погледне состојбата во која се наоѓа компанијата. Вработените, кои сè уште немаат примено плата за декември, се прашуваат каде одат парите кои СП ги инкасира од продажбата и издавањето на атрактивните објекти?

Овие прашања добиваат на тежина ако се погледне пошироката ситуација во Скопски пазар – лани, компанијата Современ дом од Прилеп откупи голем пакет од акциите на СП и најави сериозен влез за санација на состојбите во некогашниот гигант. Ова беше сигнал за тревога кај актуелното, долгогодишно раководство на Скопски пазар, односно семејството Давитковски. Оттогаш и почнуваат чудните потези на првите луѓе на Скопски пазар, кои кулминираат со актуелната распродажба на имотот. 

Според извори во компанијата, никој со сигурност не знае каде одат парите од продадениот имот, затоа што во завршните сметки за 2015 и 2016 година, дел од овие податоци не се јасно прикажани во извештаите. Но, во ситуација кога раководстовото се бори да ја продолжи доминацијата во фирмата, кај дел од вработените се јавуваат сомнежи дека парите од продажбата и издавањето на атрактивните објекти се одлеваат кон други сметки – на физички лица и фирми блиски на првите луѓе на Скопски пазар, кои ги користат за купување на акции.


Можеби ќе ве интересира

Бизнис-заедницата констатира дека влијанието на политиката е големо врз и онака кревката македонска економија

Бизнис-заедницата констатира дека влијанието на политиката е големо врз и онака кревката македонска економија

Дали доларот навистина пропаѓа?

Дали доларот навистина пропаѓа?

Нафтата за нив ќе биде моќно оружје за да се спротивстават на САД

Нафтата за нив ќе биде моќно оружје за да се спротивстават на САД

ЛИРАТА ВО ПАД: Како заканите на Трамп ја „зашеметија“ турската валута

ЛИРАТА ВО ПАД: Како заканите на Трамп ја „зашеметија“ турската валута

КИНА И ТУРЦИЈА НА ВРВОТ: Од каде во Македонија доаѓаат најмногу фалсификати?

КИНА И ТУРЦИЈА НА ВРВОТ: Од каде во Македонија доаѓаат најмногу фалсификати?

Колкав девизен прилив од туризам ќе има Македонија?

Колкав девизен прилив од туризам ќе има Македонија?

Барате работа? Вработуваат овие фирми ...

Барате работа? Вработуваат овие фирми ...

ТРАМП ПОВТОРНО СО „УДАР“ КОН ТУРЦИЈА НА ТВИТЕР: Лирата во пад

ТРАМП ПОВТОРНО СО „УДАР“ КОН ТУРЦИЈА НА ТВИТЕР: Лирата во пад

Како „Комунална хигиена“ врти милиони евра од наплата за одржување на чистотата во Скопје

Како „Комунална хигиена“ врти милиони евра од наплата за одржување на чистотата во Скопје