Скоро 40 проценти од младите Срби доброволно би војувале за Србија
Објавено во: Балкан 01 Март, 2021
Скоро 40 проценти од младите Срби доброволно би војувале за Србија.
Воведувањето на задолжителна воена служба го поддржуваат речиси три четвртини од младите мажи во земјата. Ова го покажаа резултатите од истражувањето на агенцијата House of Win, објави B92.net. Околу 24 проценти од испитаниците се против враќање на обврската за воена служба, додека нешто повеќе од три проценти од младите мажи на возраст од 17 до 30 години немаат мислење на таа тема. Меѓу оние кои поддржуваат задолжителна воена служба, 80 проценти рекле дека би служеле со оружје во касарна. Истражувањето покажа дека враќањето на таа обврска е поддржано од околу 80 проценти од испитаниците од Шумадија и Западна Србија, околу 75 проценти од југот и истокот на Србија, додека најнискиот процент е забележан во Белград, каде што е нешто повеќе од 69 проценти. Помина една деценија откако е укината обврската за отслужување на воен рок во Србија и за овие десет години таа тема никогаш не престана да биде актуелна. Сепак, откако се огласи претседателот на Србија и врховен командант на српската армија, Александар Вучиќ, се чини дека враќањето на задолжителната воена служба веќе не е само идеја, туку и одредена реалност.