Скриено богатство на Сибир: Каде Русија вложува 384 милиони долари?
Објавено во: Свет 19 Август, 2019
Гаспромнјефт планира да вложи 384 милиони долари во вадање нафта од шкрилци во западен Сибир.
Но извлекување на нафта од шкрилци не е лесно.
Сибирскиот седиментен басен кој содржи сирова нафта е многу длабок и не е јасно како да се пронајдат наоѓалиштата и да се направи експлоатацијата профитабилна.
Сировата нафта настанува под земјата со разградување на живи организми милиони години.
Со време, овие разложени организми се мешаат со карпи на шкрилци, и на крај формираат резерви на нафта кои подоцна се екстрахираат. Така е формирано мнозинство на најголеми нафтени полиња на планетата, вклучувајќи ја и таа во западен Сибир.
Се смета дека поголем дел од сибирската нафта е присутна во таканаречена Баженова формација - слој од западносибирскиот басен кој настанал од седименти пред неколку милиони години. Тогаш на морско дно се депонирани органски соединенија богати со силициумски шкрилци, кои се наоѓаат на длабочина од два или три километри.
Се верува дека овој слој е повисок помеѓу 20 и 60 метри, и дека карпата содржи и до 170 000 милиони тона сирова нафта, пишува Спутник.
Меѓутоа, прашањето е повторно исто: како одтаму да се извлечат. Обично е доволно да се буши нафтен бунар и да се почека нафтата да се подигне на површина поради притисокот кој се наоѓа под земјата. Но во случај на нафтата од шкрилци, неопходно е таа вештачки да се поттурне, механички и хемиски.