СЛАВИ РОДЕНДЕН: Факти кои не сте ги знаеле за Ким Џонг Ун
Објавено во: Свет 08 Јануари, 2019
Севернокорејскиот лидер Ким Џонг Ун денеска го прославува својот 35-ти роденден.
По тој повод „Sputnik International” објавил пет интересни факти за него.
Роденденот на првиот човек и понатаму е една од најголемите мистерии на светот – некои податоци од севернокорејските медиуми укажуваат дека тој е роден во 1982 година, јужнокорејските власти сметаат дека е роден една година подоцна, додека американското Министерство за финансии објавило податок дека Ким дошол на свет на 8-ми јануари 1984 година.
Ким е голем љубител на кошарката и пријател на поранешната ѕвезда на НБА, Денис Родман.
Toj сам се потстрижува бидејќи ниту еден фризер не се осмелува да го прави тоа.
По историскиот состанок на Ким и јужнокорејскиот претседател Мун Џае-ин во мај минатата година, јужнокорејските новинари врз основа на неговата облека истражувале колку тој е всушност висок. Сметаат дека неговата висина е 162,5 центиметри.