Славјанка Петровска го пријави иницијаторот за палење на хотелите за карантин
Објавено во: Македонија 03 Април, 2020
Славјанка Петровска, заменичката-министерка за внатрешни работи, објави дека пријавила лице кое на социјалните мрежи покренало иницијатива да се запалат сите хотели во Македонија кои служат како државен карантин за превентивна самоизолација за македонските државјани повратници од странство.
„Попладнево на социјалната мрежа ФБ беше споделуван пост од лице кое повикува на насилство кон нашите сограѓани кои се наоѓаат во хотелите кои се наменети за државен карантин. Случајот го пријавив и се постапува. Повикот за линч, насилство и говор на омраза не смее и нема да биде толериран, без оглед кон кого е насочен“, напиша Петровска на Фејсбук.
Се чини дека битолчани се најсензитивни на карантините и иницијаторот повика на линч токму од градот каде што македонски државјани се во изолација во хотелот во центарот на градот каде што се сместени македонски државјани повратници со чартер-летовите кои ги организираше Генералниот секретаријат на Владата.
„Ајде браќа и сестри, сложно, запалете ги
сите хотели во Македонија каде се
сместени ѓаволите. А ако случајно некој
сака да излезе, пречекајте го со куршум Ова е последна шанса да ја
зачувате Македонија“, гласи повикот на лицето-иницијатор на што реагираше Петровска.