22 Септември, 2019
0.0178

Следен за разрешување врховниот судија кој беше десна рака на Вангеловски?

Објавено во: Македонија 12 Септември, 2019

По Јово Вангеловски кој завчера беше разрешен од функцијата претседател на Врховниот суд, денеска ќе биде разрешен и судијата Ристо Катевеновски, дознава Фактор од неофицијални извори, а информацијата засега не е потврдена.

Судиката Рахилка Стојковска и уште еден друг судија ги снајде истата судбина па беа разрешени од Судскиот совет. Сите се менуваат поради нестручно и несовесно постапување. Катевеновски важи за десна рака на Вангеловски во Врховниот суд, а беше избран за судија на Врховен во 2009 година. Тој работи во оддел за казниви дела и оддел за судења во разумен рок.

Според биографијата која е објавена на интернет страницата на Врховен суд, Катевеновски прв пат бил избран за судија во Основен суд Скопје 1 во 1996 година. Од 2008 година е судија во Апелациониот суд, а од 2009 година во Врховниот суд.

Уште пред две години Советот за утврдување на факти до Судскиот совет достави предлог со кој бараше да биде разрешен петчлениот Кривичен совет на Врховниот суд на чело со претседателот Јово Вангеловски, кој одлучуваше за притворот на бизнисменот Сеад Кочан. Покрај Јово Вангеловски, се бараше разрешување и за судиите Ристо Катавеновски, Рахилка Стојковска, Џемали Саити и Фаик Арслани.

Предлогот за разрешување на врховните судии беше поради незаконската постапка околу овозможувањето на Сеад Кочан да се брани од слобода. Со три гласа „за“, пред 2 години Вангеловски и двајцата судии го ослободија избеганиот Кочан од притвор.

Завчера Судскиот совет го разреши Јово Вангеловски од функцијата претседател на Врховниот суд.

За в.д. претседател на Врховниот суд беше избран врховниот судија Фаик Арслани.


Можеби ќе ве интересира

Тешка сообраќајка: Загина жена од Богданци

Тешка сообраќајка: Загина жена од Богданци

Утре нова средба меѓу работните групи на СДСМ и ВМРО-ДПМНЕ за Законот за ЈО

Утре нова средба меѓу работните групи на СДСМ и ВМРО-ДПМНЕ за Законот за ЈО

57 американци како волонтери во Мировен корпус во Македонија

57 американци како волонтери во Мировен корпус во Македонија

ПРОГНОЗА: Денес сонце од утре дожд

ПРОГНОЗА: Денес сонце од утре дожд

Претседателот Пендаровски се откажува од државните привилегии кои му следуваат по истекот на мандатот

Претседателот Пендаровски се откажува од државните привилегии кои му следуваат по истекот на мандатот

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

Силен земјотрес во Албанија: Се затресе и Македонија

Силен земјотрес во Албанија: Се затресе и Македонија

Шар планина наскоро ќе биде прогласена за Национален парк

Шар планина наскоро ќе биде прогласена за Национален парк