Добивај вести на Viber
Државната Нова љубљанска банка (НЛБ), во првата половина од годината, забележила загуба од 91 милион евра, што се должи на отписот на побарувања и пониските приходи од каматни стапки.
НЛБ во истиот период лани остварила профит од 32,3 милиони евра, но, поради лошите кредити на крајот на минатата година имала загуба од 237,5 милиони евра, пренесува „Франс Прес“.
Акционерите на НЛБ во јуни одобрија зголемување на капиталот за 500 милиони евра, кој, покрај трансферот на токсични заеми во „лошата“ банка БАМЦ, има за цел осигурување на адекватноста на капиталот и стабилизација на работата.
Се очекува НЛБ во БАМЦ да ги префрли ризичните средства вредни околу две милијади евра. Словенечкиот парламент минатата година формираше „лоша“ банка за да можат трите најголеми банки да се ослободат од ризичните кредити во вкупна вредност од седум милијарди евра.