Словенија ем со дивиденда, ем пари од продажба на НЛБ
Објавено во: Финансии 15 Октомври, 2018
Нова Љубљанска банка (НЛБ) и словенечкиот државен холдинг (SDH) објавија дека се продава мнозинскиот удел во најголемата словенечка банка до крајот на оваа година, преку иницијална јавна понуда.
Интенцијата за првата јавна понуда на акции на НЛБ во Љубљана и Лондонската берза се однесува на најмалку 50 отсто плус една акција на банката, а најмногу 75 проценти минус една акција, беше објавено на интернет страницата на Љубљанската берза и во изјавата на НЛБ и SDH-a .
Најголемата словенечка банка очекува дека проспектот за спроведување на почетната јавна понуда може да биде објавен на 26 октомври, на порталот на Љубљанската берза, како официјалниот почеток на процесот на продажба.
Мали поединечни акционери за купување ќе обезбедат 10 проценти од НЛБ, а поголемиот дел е резервиран за институционални инвеститори.
Продажба на мнозинскиот пакет во НЛБ е обврска на Словенија откако Европската комисија одобри докапитализација.
Европската комисија во 2013 година и овозможи преструктуирање со тоа што ќе стане долгорочна одржлива.
Државата на крајот на процесот останува сопственик на 25 отсто од акциите.
Таков договор со Комисијата и овозможи на државата 270,6 милиони евра дивиденда, кои претходно беа блокирани поради можни одложувања во процесот на продажба.