СЛУЧАЈ „РЕКЕТ“: Вториот телефон кој се водеше како изгубен, бил подарен
Објавено во: Македонија 23 Јули, 2019
Обезбеден е и вториот мобилен телефон во истрагата за противзаконито влијание и перење пари, соопштуваат утринава од скопското обвинителство.
Се работи за вториот телефон на специјалната јавна обвинителка Катица Јанева за кој се тврдеше дека е изгубен. Телефонот како што се посочува од ОЈО бил даден како подарок.
„Обвинителството со издадено барање до мобилните оператори за следење на IMEI- меѓународен идентитет на мобилна опрема на телефонот, го пронајде мобилниот телефон кај друго лице. По што, со наредба на судија на претходна постапка телефонот е одземен. Притоа лицето изјави дека телефонот е добиен на подарок“, соопштија од ОЈО.
Следно е телефонот да биде предмет на вештачење а ОЈО исто така истражува дали истиот бил средство на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите
Јавната обвинителка Вилма Рускоска која го води случајот „Рекет“ во едно интервју посочи дека синот на Катица Јанева рекол дека вториот телефон кој го имала Јанева и е изгубен во Белград.