СМЕНЕТЕ ГИ СТРЕЛКИТЕ: Почна зимското сметање на времето
Објавено во: Македонија 27 Октомври, 2019
Ако некој не го сторил тоа досега, денеска е крајно време да се сменат стрелките на часовникот.
Од ноќеска почна зимското сметање на времето. Или, тоа практично стартуваше во 03 часот по полноќ, кога времето се враќа еден час наназад, и практично е 02 часот.
Тоа значи дека часовниците треба да се прилагодат еден час наназад. Граѓаните имаа за еден час повеќе време за спиење.
Од 2021 година треба да стапи во сила предлогот за укинување на задолжителното зимско сметање на времето во земјите од Европската унија.
Предлогот беше усвоен од Европскиот парламент, но секоја членка на Унијата ќе има можност да избере дали ќе остане на летно или на зимско сметање на времето.