Smirnoff, Johnny Walker, Baileys... ЌЕ ГИ НЕМА НА РУСКОТО МЕНИ - познатиот производител на вотка ја напушта државата, се ќе заврши за шест месеци
Објавено во: Свет 30 Јуни, 2022
Британскиот производител на алкохолни пијалоци Diageo, производителот на вотката Смирноф, ја напушта Русија поради притисокот на западните санкции против Москва поради Украина, соопштија претставниците на компанијата.
„Донесовме тешка одлука за постепено укинување на комерцијалните активности во Русија“, изјави претставник на компанијата за новинарите во вторникот, пренесе новинската агенција Интерфакс.
Излегувањето од рускиот бизнис ќе трае шест месеци, а сите работници на компанијата во Русија ќе бидат обештетени, изјави тој.
Diageo е еден од најголемите светски производители на алкохолни пијалоци, кој поседува популарни брендови како Smirnoff, Johnny Walker, Guinness, Baileys ...
Според веб-страницата на компанијата, Diageo доставува пијалоци за околу 70.000 продавници и 19.000 ресторани и барови низ Русија.
Diageo престана да извезува производи за клиенти во Русија во март, веднаш откако Москва започна воена операција во Украина. Во тоа време, компанијата ја наведе „состојбата на глобалните синџири на снабдување“, која кризата во Украина дополнително ја влоши, како причина за прекин на извозот. Од март, компанијата наводно ги продаде сите свои руски акции.
Diageo започна да извезува на рускиот пазар во 2006 година, а во 2020 година почна да флашира виски Bells и White Horse во дестилерија во Санкт Петербург.
Брендот Смирноф е роден во 1864 година, кога Пјотр Арсенијевич Смирнов отворил дестилерија за вотка во Москва. По бегството од Русија, по револуцијата во 1917 година, семејството Смирнов се обиде да го воспостави овој бренд во неколку земји пред да се насели во САД и на крајот да ја продаде компанијата.
Фото: ЕПА