Со нов закон по дански терк ќе се решаваат старите стечаи!

Добивај вести на Viber

За помалку од една година треба да се решат застарените стечајни постапки, откако владата го усвои законот за финиширање на стечаите меѓу 1989 година и 2011 година. Ова значи дека треба за се затворат 300 постапки со законот одобрен вчета од Владата, а кој сега треба да се гласа во Собрание. Според премиерот Никола Груевски, голем дел од работниците ќе имаат корист од законот со кој се наложува продажба на имотот на стечајните фирми, а се воведува и обештетување за дел од работниците. „Некои од нив очекуваат дел од стечајната маса, ако оди во ликвидација, некаде можеби има услови за некоја реорганизација, некаде во ликвидација некој ќе ги купи објектите, машините итн, па ќе го обнови производството, па ќе вработи некои од поранешните вработени или нови вработени. Тие закочени стечајни постапки ќе бидат откочени, ќе бидат завршени и или ќе бидат реорганизирани или средствата, опремата, машините, халите ќе бидат продадени, а тој што ќе даде пари да ги купи веројатно нема да си ги чува, туку нешто ќе направи, а што и да прави, ќе значи отворање нови работни места", смета Груевски. Според него, овој закон е важен бидејќи фирмите кои заминале во стечај, наместо по застарени, ќе се уредуваат со новите закони.За законот пак премиерот вели дека е современ и правен по терк на тој во Данска. Помеѓу овие 300 компании се споменуваат ТИПО, дел од Железара, Маврово, МЗТ, Центро, Порцеланка,  ЗИК комбинатите, случајот Фиком и слично. На истата седница е усвоен и закон за вонсудско спогодување, за давање втора шанса на фирмите и избегнување на стечајот.