Со што го налути Еквадор основачот на „Викиликс“ Џулијан Асанж?
Објавено во: Свет 14 Април, 2019
Апсењето на познатиот новинар и
основач на Викиликс, Џулијан Асанж не беше неочекувано . Всушност, сите го
очекуваа тоа порано или подоцна, бидејќи односите меѓу домаќините на Еквадор и нивниот
гостин Асанж не беа особено добри. Тој презеде неколку случаи против нив, а тие
... го предадоа на полицијата.
Сигурно се прашувате со што го налутил Асанж Еквадор? Причината не е една.
Џулијан постојано ги обвинуваше своите домаќини
дека ги кршат човековите права. Прво, поведе дело поради строгите правила кои
амбасадата му ги наметнува, за почист и мирен живот во зградата. Се разбира,
судијата го отфрлил неговото барање. Новинарот исто така беше незадоволен и од тоа, дека нема пристап до интернет и телефон.
Иако амбасадата
на Еквадор на Асанж учтиво го замолила да не зазема страна во деликатното
прашање меѓу Каталонија и Шпанија, за да не го нарушува односот на Еквадор со
другите земји, новинарот не успеал да си го држи јазикот за забите. Тој гласно
зборуваше за поддршка на Каталонците.
Подоцна во „војната“ домаќин и гостин, се нашло и најголемото
оружје на Асанж, Викиликс.
На вебстраницата се појавиле документи, меилови и соопштенија од приватниот
живот на претседателот на Еквадор, Ленин
Морено, кој подоцна беше обвинет за корупција.
Ако и со тоа не прелила чашата на вработените во амбасадата на Еквадор, тогаш навиките на 7 години затворениот Асанж можеби исто помогнале. Новинарите укажуваат на начинот на кој се забавувал основачот на Викиликс во амбасадата. Како возел скутер низ ходниците на зградата и играл фудбал, ги навредувал вработените и сликал по ѕидовите. Тој одбил да ги мие садовите, оставајќи го и многу често шпоретот вклучен.
Вработените во амбасадата се плашеле дека тој поставил камери кои ќе ги следат, но тие и така не можеле да работат нормално бидејќи ечела музика низ целата зграда.
Сега Асанж е во најдобаро обезбедуваниот затвор во Лондон – Белмарш.