Добивај вести на Viber
Околу 300 стечајни постапки, отворени во периодот од 1989 до 2011 година, треба да бидат затворени со специјалниот закон кој Владата ќе го подготви во наредниот период, информира денеска премиерот Никола Груевски. Имено, Владата на вчерашната седница донела одлука да се почне процедурата за специјален и еднократен закон за стечајна постапка.
Законот ќе биде изготвен по примери од Данска.
Груевски нагласи дека со овој закон сите стечајни постапки ќе бидат завршени за помалку од една година и со него се предвидува продажба на имотот на фирмите под стечај, но нуди и други можности при што дел од работниците во тие фирми би биле обештетени, а некои можеби и повторно вработени.