Собранието ќе одлучува за Законот за финансиска поддршка на инвестиции
Објавено во: Македонија 14 Март, 2018
Ново усогласениот текст на Предлог-законот за финансиска поддршка на инвестиции, Владата синоќа го достави на усвојување во Собранието на РМ.
Со овој закон се уредуваат видовите, висината, условите, начинот и постапката за доделување на финансиска поддршка на инвестициите на деловните субјекти кои ќе инвестираат во Република Македонија.
Според Владата, овој закон претставува своевидна шема за поддршка согласно прописите со кои се уредува контролата на државната помош за инвестициите.
Целта на овој закон е поттикнување на економскиот раст и развој во Република Македонија преку поддршка на инвестициите за зголемување на конкурентноста на македонската економија и вработувањето, а мерките од законот освен странските, ги опфаќаат и дијаспората, како и домашните компании.