Социјалдемократите вечерва почнале да ги кројат пратеничките листи
Објавено во: Македонија 24 Февруари, 2020
Социјалдемократите вечерва почнале со кроењето на пратеничките листи, со кои ќе настапат на претстојните парламентарни избори, дознава Фактор.
Според нашите сознанија, денеска се стартува само со првичните можни комбинации на добитни „играчи“ кои би истрчале како предводници на листите, а во наредниот период тие ќе се доискристализираат.
Финалните списоци треба да бидат предадени на Државната изборна комисија до 12 март на полноќ.
Наши извори велат дека најголеми шанси да се најдат како предводници на листите се министреката за правда, Рената Дескоска-Треневска, вицепремиерката за економски прашања Мила Царовска, техничкиот премиер Оливер Спасовски, лидерот на СДСМ Зоран Заев, генералниот секретар на партијата, Љупчо Николовски, министерот за здравство Венко Филипче, како и пратеникот Мухамед Зеќири.
Во моментов се размислува кои од овие имиња би биле најсоодветни за одредени изборни единици, односно каде би донеле најголем бенефит за партијата и би привлекле најголем број на гласачи.
Сето ова ќе зависи и од можната коалиција со БЕСА или некоја од другите албански партии.
Изворите на Фактор од СДСМ очекуваат победа на парламентарните избори.
Н.Н.Ф.