Сонце и потопло: Со висок УВ индекс
Објавено во: Македонија 21 Јули, 2019
За последниот ден од оваа недела според синоптичарите не очекува сончево време и топло со мала до умерена локална облачност и со слаб претежно северен ветер.
УВ индексот ќе биде висок и ќе изнесува 9.
Дневните температури на воздухот ќе бидат за некој степен повисоки и ќе се движат во интервал од 27 до 36 степени.
Во главниот град се очекува слично време, сонцево и потопло со максимални 35 степени целзиусови.
Поради високиот УВ индекс се препорачува граѓаните да не излегуваат на отворено во периодот од 11 до 17 часот, да пијат повеќе течности најмногу вода, да носат светла и лесна облека, а хронично болните лица да ја примаат редовно својата терапија препишана од лекар.
Во понеделник ќе преовладува сончево и многу топло време со мала до умерена локална облачност.
Во вторник и среда ќе дува умерен до засилен северен ветер и ќе има услови за краткотраен локален дожд.
Дневните температури ќе опаднат за неколку степени.