Сончев Брег и сезонава на врвот на листата со најевтини одморалишта во Европа

Добивај вести на Viber

Сончев Брег втора година по ред е најевтиното летувалиште за одмор во Европа ова лето, покажува истражувањето на британскиот весник „Мирор“.

Според изданието трошоците за храна и пијалоци во Сончев Брег се најниски, а во однос на минатото лето цените се паднати за 10%. Едно четиричлено семејство ќе плати околу 275 фунти за една недела храна, пијалоци, сладоледи и шише лосион за сонце.

За истото во Алгарве, Португалија, трошоците ќе бидат 385 фунти, резимира магазинот.

Износот се зголемува на 434 фунти во Коста дел Сол, до 578 фунти во Пафос, Кипар, 602 фунти во Крит и достигнува вртоглави 766 фунти во Палма, Мајорка.

Во меѓувреме вчера во Сончев Брег беше отворена официјално летната сезона 2017.

„Кон почетокот на сезоната вкупниот број планирани летови на аеродромите Варна и Бургас за периодот јуни-септември 2017 година веќе надминува 8% бројот на исполнетите летови во текот на истиот период на 2016 година и очекуваме повторно силно присуство на туристи од Германија, Полска, Велика Британија , Украина, Чешка, Франција, Скандинавија, Русија“, изјави за време на церемонијата министерот за туризам Николина Ангелкова.