28 Март, 2024
0.0264

СОНК децидно против формирање нов синдикат во високото образование, стравува дека така ќе извисат за повисоките плати

Објавено во: Македонија 22 Јануари, 2020

Добивај вести на Viber

СОНК денеска на прес конференција алармираше дека според нивни сознанија, постои Иницијатива на ректорите на универзитите - за формирање на нов синдикат на вработените во универзитетите во земјава. 

Првиот човек на СОНК, Јаким Неделков, вели дека оваа иницијатива е скандалозна и спротивна на Законот за работни односи, каде не се дозволува мешање на работодавачите во однос на организирање и дејствување на синдикатите. Тоа е забрането и со меѓународните конвенции.

Тој стравува дека на овој начин се прават манипулации за овие вработени да не го добијат ветеното зголемување на платите од 10 отсто.

„Од медиуми и од нашите колеги дознавме дека потребата за формирање на овој синдикат, наводно била за да може да се земе зголемувањето на платите од 10 отсто во високото образование, тоа што СОНК со макотрпни напори и преговори со МОН го договори минатата година. Јавно и јасно да кажам дека оваа теза за формирање нов синдикат кој ќе биде репрезентативен во дејноста високо образование е ноторна лага, бидејќи репрезентативен синдикат за дејноста образование, единствено е СОНК“, нагласи Неделков.  

Да се прави ваков синдикат, тврди Неделков, е спротивно на законот и процедурите.

Тој го покажа и решението за репрезентативност, кое лани е потпишано од министерката Мила Царовска, кое, вели, им дава полно право како репрезентативен синдикат да преговараат. 

„На кого ова му пречи, не е јасно, не сакаме да шпекулираме, но можни се неколку опции. Можно е да се остава простор синдикатите да се занимаваат сами со себе во овој одреден временски период. Тоа значи дека можеби ќе помине време до распишување на избори, кога по основ на закон не ќе можеме да потпишеме колективен договор на ниво на работодавец или на ниво на дејност. Тоа би значело дека автоматски државата, бидејќи нема колективен договор, не би можела да исплати 10 отсто зголемување на платите во високото образование. Не би сакал да поверувам во вакво сценарио, но сите наши анализи водат до тоа. Дали потоа СОНК ќе биде виновен за тоа“, праша Неделков.  

СОНК јавно ги повика ректорите да прекинат со процедурите за формирање на синдикални организации при универзитетите. 

„Со самото нивно мешање во организирање и формирање на синдикати прават кривично дело за кое постои голема веројатност да одговараат за тоа, дали тие или овластени од нив, деканите или генералните секретари“, рече Неделков.  

Тој порача до ректорите да го повикаат СОНК како единствен репрезентативен синдикат, да потпишат колективниот договор за високо образование на градско ниво. Ако за ова е прекратно времето, ректорите да го повикаат СОНК да потпише колективен договор на ниво на работодавец, значи со ректорите. 

„За да не биде ако не се потпише, да нема зголемување на платите за 10 проценти“, рече Неделков.

Нагласи дека не сакаат да останат со кратки ракави за тоа што е договорено. 

„Не сакаме да помислиме дека во буџетот нема средства за зголемување плати во високото образование“, нагласи претседателот на СОНК.

Можеби ќе ве интересира

Тошковски: Приведено уште едно лице за убиството на докторот

Тошковски: Приведено уште едно лице за убиството на докторот

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија