29 Март, 2024
0.0267

Сообраќајната некултура и незнаењето во сообраќајот чини загубени човечки животи

Објавено во: Мои пари 18 Октомври, 2019

Добивај вести на Viber

Ги учиме децата да бидат воспитани и културни. Да имаат позитивни манири, да ги почитуваат и поздравуваат повозрасните, да бидат добри ученици, да ја чуваат животната средина. Ги учиме децата странски јазици, компјутери, математика, итн. Знаењето е богатство и секое знаење е добредојдено.

Се поставува прашањето,  дали доволно ги учиме децата за тоа како да се однесуваат во сообраќајот, како безбедно да ја поминат улицата, како да ги препознаат ризикот и опасностите во сообраќајот?

Секое незнаење има своја цена, незнаењето во сообраќајот чини загубени човечки животи. Затоа РСБСП со совети и препораки за родителите:

•  Секој родител/старател има обврска да го информира и да го запознае детето со основните правила и прописи во сообраќајот и со опасностите што секојдневно го демнат;

•  Научете го детето каде треба да се движи и како безбедно да ја помине улицата или крстосницата;

•  Покажете му на детето како безбедно да користи јавен превоз;

•  Покажете му го на детето најбезбедниот пат од дома до училиште и обратно и научете го како безбедно да се движи по тој пат;

•  Децата од предучилишна возраст не ги оставајте самостојно да се вклучуваат во сообраќајот;

•  Контолирајте ги децата и бидете сигурни дека користат системи за пасивна безбедност - детски  седишта, појаси, заштитни шлемови и сл.;

•  Не дозволувајте деца на возраст до 12 години да седат на предното совозачко седиште;

•  Не дозволувајте деца до 10 годишна возраст да возат велосипед на јавен пат или на улица;

•  Како родители, секогаш можете да влијаете и да контролирате како вашите деца учествуваат во сообраќајот.

Оние родители кои имаат повозрасни деца кои се подготвуваат да станат возачи, наместо да се грижат за тоа како нивните деца ќе положат возачки испит , многу подобро е да се грижат за тоа како нивните деца да станат одговорни и безбедни возачи. Затоа, РСБСП препорачува:

•  Секој родител чие дете полага за возачки испит да разговара со своето дете и да му укаже на одговорноста и последиците со кои може да се соочи или да ги предизвика доколку не ги почитува правилата и прописите во сообраќајот.

•  Наместо скап автомобил, овозможете му на вашето дете дополнителни часови на обука со возач инструктор.

•  Доколку вашето дете е возач почетник,  обезбедете му дополнителна практична обука со возач инструктор или со друг искусен возач за тоа каков треба да биде неговиот однос кон децата, пешаците и велосипедистите во сообраќајот  и обезбедете му практична обука за вешто возење во услови на дожд, магла, замрзнати коловози и во услови на ноќно возење.

РСБСП со апел:  Безбедноста на децата во сообраќајот нека биде ваш прв приоритет. Грижете се за нивната безбедност во сообраќајот. Безбедни деца, за безбедна и сигурна иднина!


Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија