Сопрени на Бошков Мост: Им беше кажано дека може да го напуштат Дебар, па ги вратија назад
Објавено во: Македонија 27 Март, 2020
На повеќето од 114-те граѓани од други градови и населени места, како и странски државјани, кои се затекнаа во Дебар за време на прогласувањето на кризната состојба прво им било кажано дека може да го напуштат, но потоа биле сопрени на Бошков Мост и повторно вратени во хотелското сместување.
Од Оператвниот штаб на Дебар тврдат дека лицата се вратени назад попладнево поради тоа што имале само потврда од епидемиолог дека се здрави, а не биле тестирани за коронавирус. На пунктот им рекле дека треба да се почитува владината мерка за тестирање, а не само да се помине 14-дневниот карантин.
Вчера градоначалникот на Дебар, Хекуран Дука, кој инаку Општинскиот оператираководи со општинскиот оперативен штаб, вчера информираше дела затекнатите граѓани си заминуваат веднаш, додека странските ќе ја напуштат земјата според предвиден протокол.
Во хотелот во Бањиште беа сместени 114 лица од неколку града на земјава, пред сè од подрачјето на Река, Општина Маврово и Ростуше, како и од Косово, Србија, Бугарија и Шведска.
– Споменатите лица повторно се сместени во хотелските капацитети на „Дебарски Бањи-Цапа“ каде беа изминатите две недели. Планираме да бидат тестирани во текот на утрешниот ден, рече Дука во меѓувреме.