Сопругата на ерменскиот премиер заминува да војува во Нагорно - Карабах
Објавено во: Свет 26 Октомври, 2020
Во војна оди и сопругата на ерменскиот премиер, Ана Хакобјан.
Таа денеска објави дека по воената обука, заедно со уште 13 жени ќе заминат во Нагорно-Карабах.
„За неколку дена, ќе почнеме да помагаме за заштита на нашите граници. Ниту нашата татковина, ниту нашето достоинство нема да му се предадат на непријателот“, напиша таа на својот профил на Фејсбук.
Синот на премиерот на Ерменија, Ашот Пашинијан, оди во Нагорно-Карабах, каде траат борбите со Азербејџан за оваа спорна енклава.
Ана Хакобјан тогаш изјави дека нема ништо поблагородно од давањето на својот живот за татковината.
Голем број жени се пријавуваат за да војуваат.Тие имаат по 18, 20 години, а дел од нив веќе знаат да ракуваат со оружје.
Баку ќе ги употреби турските ловци Ф-16 во случај на странска агресија врз Азербејџан, изјави азербејџанскиот претседател Илхам Алиев.
Премиерот на Ерменија, Никол Пашињан изјави дека примирјето што стапи во сила утрово во Нагорно Карабах, не се оствари. Од друга страна, Азербејџан денеска го обвини Ереван за ракетни напади врз градот Тертер.