Сопственикот Истрефи вели дека кај нив нема грешка
Објавено во: Македонија 16 Декември, 2018
Сопственикот на струшки „Еуробус“, чиј автобус се преврте кај Лесковац и загинаа тројца македонски патници кои од Битола тргнаа кон Виена, вели дека во неговото претпријатие нема никакво превземање на одговорност затоа што биле запазени сите стандарди.
Џитан Истрефи за МИА изјави дека автобусот е произведен во 2006 година и редовно ги поминувал техничките прегледи.
– Испративме друг автобус и наши вработени на местото на несреќата за да ја видат состојбата и да се преземе се што е потребно. Нашите автобуси редовно се сервисираат, кај нас нема грешки. – изјави Истрефи, не изнесувајќи други детали за несреќата.
Засега не се идентификувани жртвите кои загинаа во доцните пополноќни часови, а единствено се знае дека се работи за еден маж и две жени.
Српски „Блиц“ пренесува дека сите патници биле главно млади кои оделе на сезонска работа во Австрија. Во моментот на несреќата повредените спиеле и според тоа не знаат точно што се случило.