СОСТОЈБА НА ПАТИШТА: Возачи внимателно кај овие патни правци
Објавено во: Македонија 14 Февруари, 2018
Ширум државата се вози по речиси влажни коловози, сообраќајот е отежнат и во прекин се повеќе патни правци.
Од Авто мото сојузот на Македонија ги предупредуваат возачите да бидат внимателни и со прилагодена брзина да се движат кон местата каде што се изведуваат работи на пат.
Од утрово од 06:00 часот во целосен прекин е патниот правец Маврово- Дебар поради снежна лавина кај манастирот Бигорски а патниот правец кај Ѓавато е нормализиран од 07 часот.
Забрани за сообраќај на тешки товарни возила има на патните правци Струга - г.п. Ќафасан, Струга - Дебар, крак Маврово - Дебар, крак Стража - село Колари - Кичево, како и на планинските премини Пресека и Буково. На патниот правец Тетово - Попова Шапка има забрана за сообраќај на тешки товарни возила и автобуси.
Правецот кој Македонија ја поврзува со соседна Бугарија, односно Кочани- Македонска Каменица и денес ќе биде блокиран поради минирање и отстранување на големите одрони.
Поради тоа се ористи алтернативен пат Кочани-Виница-Драгобрашта-Бигла-Македонска Каменица.