Советничка на Kирил Петков била во Скопје
Објавено во: Македонија 04 Јануари, 2022
Се подготвува терен за средбата меѓу македонскиот и бугарскиот премиер.
Советничката за надворешна политика на бугарскиот премиер Кирил Петков, Весела Чернева, завчера го посетила Скопје, објави „БНТ“ повикувајќи се на информации од бугарската влада.
Како што јави дописникот на МИА од Софија, Чернева била во Скопје по наредба на Петков, за да се подготви претстојната посета на бугарскиот премиер на македонскиот главен град, предвидена за месецов.
Петков претходно најави дека ќе се сретне со новиот македонски премиер Димитар Ковачевски откако новата влада во Македонија ќе положи заклетва.
Организациите на Бугарите од Македонија во меѓувреме испратија писмо до сите бугарски институции вклучени во преговорите со Скопје.
Трите партии од владејачката коалиција - Продолжуваме со промените, БСП и Демократска Бугарија, силно се разликуваат од ставот на лидерот на Има таков народ Слави Трифонов за нашите односи со РС Македонија, пренесе БГНЕС.