Советник во општина Сплит со скандалозен статус: Нека раскажат какво е морето во февруари
Објавено во: Балкан 10 Февруари, 2019
Мартин Паук, советникот во општина Сплит, предизвика скандал кај хрватските медиуми откако објави статус дека младите ватерполисти во Сплит биле нападнати од хулигани затоа што сакале да си направат селфи во тренерки на Црвена Ѕвезда и да се пофалат на Инстаграм.
Ова наиде на осуда од страна на некои хрватски медиуми, а претседателката на Хрватска, Колинда Грабар Китаровиќ, како и хрватската влада претходно го осудија нападот на ривиерата во Сплит.
- Па, сигурен сум декаво сабота напладне, некаде во близина на фонтаната, сте сакале да направите селфи и да го ставите на Инстаграм и да им се фалите на вашите другари во Белград и со гордост да им кажете како сте шеташе низ центарот на Сплит во дресови на Црвена Ѕвезда и никој не можеел да стори ништо, бидејќи сте "силни", "огромни", "моќни". Сега кажете им какво е морето во февруари - рече Паук, кој воедно е и фудбалски судија.
Четворица ватерполисти беа нападнати додека пиеле кафе на сплитската ривиера. Тројца од нив побегнале, а четвртиот - Александар Краљ скокнал во морето и не излегувал од вода додека не дошла полицијата.
За овој случај уапсени со тројца осомничени, а кај едниот од нив полицијата нашла дрес, за кој се смета дека бил зграбен од ватерполистите.