21 Ноември, 2018
0.2502
    ALK 8101    -0.01%     BESK 9200    0%     CEVI 1001    0.1%     FERS 70000    0%     KMB 5101    -1.29%

Стотина повици дневно на едно место за животни проблеми

Објавено во: Економија 15 Април, 2018

Советодавен услужен центар со педесетина психијатри, социолози, јасновидци, астролози и толкувачи на соништа изминатиот период работи интензивно и дневно добива 100-тина телефонски повици од сите краишта од Македонија, иако цената на еден разговор е 51 денар со платен ДДВ по минута.

- Дискретноста е загарантирана, а советите што ги добиваат се објективни, бидејќи клиентот не се приврзува со оној со кој што разговара. Можеби повикот не е евтин, но има јавувачи кои сакаат да разговараат и до еден час. Тоа се главно млади кои имаат проблеми во сексуалните односи или не можат да воспостават сексуален однос, а за тие грижи се срамат да се обратат некому директно, па затоа ние, како единствен контактен центар од ваков тип, им остануваме единствен бастион за помош. Во секој случај, на овој начин тие се поотворени за разговор и соработка - вели вработен оператор.

Опфатот на работа се состои од проблеми од областа на семејното насилство, зависности од дроги, детски стравови, соништа, анксиозност, воспитни проблеми и потешкотии, училишни проблеми, родителски свет, партнерски односи, брак и брачна криза, емоционален развој, справување и надминување на депресивна состојба ( справување со загуба, промена, интензивна состојба, советодавна работа и справување и надминување на анксиозност, фобии и стравови, итн.

- Ние сме единствените во Македонија кои ги нудиме сите овие услуги на едно место, иако низ светот овој начин на советување е многу популарен. Многупати во земјава имало обиди да се отворат некои слични телефонски линии за помош во одредени ситуации, но ниту една не профункционирала како што било замислено. Нашиот Советодавен услужен центар работи 24/7 и има оператори на линија во секое време, каде чекаат и одговараат на повиците од клиентите, вели управителот Марија Ѓоргиева.

Центарот работи неполна година, поинтензивно последниве месеци. Вкупниот број на операторите достигнува до 50. „Сите наши оператори се професионалци и со долгогодишно работно искуство во својата област. Дневно регистрираме околу 100 повици, вклучувајќи ги сите категории на професии. Се јавуваат корисници од различни краеви во Македонија со различни проблематики“, додава Ѓоргиева.

Претходно, во центарот функционирала и линија со педијатри, но поради осетливоста на темата и можноста родителите неодговорно да постапат кон своите деца, избегнувајќи да ги однесат на потребен преглед, таа повеќе не работи.

A.K.

Можеби ќе ве интересира

ШТО ДА РАБОТАМ КОГА ПОРАСНАМ: Професија во Македонија која носи најмногу пари

ШТО ДА РАБОТАМ КОГА ПОРАСНАМ: Професија во Македонија која носи најмногу пари

Анѓушев во проверка на пругата која по 32 години ќе воспостави редовен железнички сообраќај

Анѓушев во проверка на пругата која по 32 години ќе воспостави редовен железнички сообраќај

ГАСИФИКАЦИЈА: По која цена ќе се снабдуваат домаќинствата?

ГАСИФИКАЦИЈА: По која цена ќе се снабдуваат домаќинствата?

Скендеровски: Да не беше Владата, никој немаше да ни даде кредит

Скендеровски: Да не беше Владата, никој немаше да ни даде кредит

Трајкоска: На „Раде Кончар“ му требаат професионални менаџери, доста е од директори што се водат од лични интереси

Трајкоска: На „Раде Кончар“ му требаат професионални менаџери, доста е од директори што се водат од лични интереси

Пензионерите чекаат, УЈП на потег за електронската регистрација

Пензионерите чекаат, УЈП на потег за електронската регистрација

Колку просечни плати заработува најплатениот министер?

Колку просечни плати заработува најплатениот министер?

Синдикатот се мобилизира по најавите на Манчевски

Синдикатот се мобилизира по најавите на Манчевски

БИТКОИНОТ ГО ДОПРЕ ДНОТО: Криптовалутата се топи

БИТКОИНОТ ГО ДОПРЕ ДНОТО: Криптовалутата се топи