Спахиу: Имам неколку десетици облози со луѓе дека по три, десет или 20 години нема да постои држава Косово
Објавено во: Балкан 17 Август, 2022
Aналитичарoт Неџмедин Спахиу го доведе во прашање постоењето на државата Косово во иднина.
Тој рече дека Србите не можат така лесно да го прифатат државјанството на Косово затоа што, според него, голем дел од албанската заедница не верува дека таа држава ќе постои за неколку години, објави Клан Косова.
„Мислам дека не е проблем што голем дел од српското малцинство не ја признава државата Косово, туку проблемот лежи во албанската заедница, поради што е создадена државата Косово и која на Косово гледа со скептицизам“, рече Спахиу.
Тој објасни зошто е песимист.
„Имам неколку десетици облози со мои блиски луѓе дека по три, десет или 20 години нема да постои држава Косово, што значи дека луѓето не веруваат во држава Косово. Како ќе го убедиме српското малцинство, кое не може така лесно да ја прифати новата реалност, не може така лесно да ја прифати државата Косово, кога голем дел од Албанците не веруваат дека државата Косово ќе постои“, изјави Спахиу за магазинот Инфо.
Србија не ја признава независноста на Косово, а воедно и лобираше повеќе земји во светот да го повлечат признавањето на оваа држава.