Спасено дете по 7 часа под урнатините: Потресно ВИДЕО од Турција
Објавено во: Свет 06 Февруари, 2023
Силен земјотрес со јачина од 7,8 степени според Рихтеровата
скала ја погоди централна Турција и северозападна Сирија рано утринава, при што
загинаа повеќе од 500 луѓе, а стотици се повредени при уривање на згради низ регионот, што предизвика
потрага по преживеани во урнатините.
Седумгодишното дете, кое беше повредено во земјотресот, беше спасено од урната зграда во турскиот град Дијарбекир, откако седум часа беше под урнатините, а снимката носи солзи во очите.
Rescue teams pulling children from the under the rubble of #collapsed buildings in northwestern #Syria
At least 50 people killed, 500+ injured, 140+ buildings destroyed in southern Malatya province as 7.8 #earthquake hits #Türkiye.#deprem #DepremiOldu #Turkey pic.twitter.com/vKnEnG3N2k
Турскиот потпретседател Фуат Октај изјави дека 284 луѓе загинале, а 2.323 се повредени додека властите ги преместиле спасувачките тимови и авионите во погодената област, истовремено прогласувајќи го „четвртото ниво на тревога“ барајќи меѓународна помош.
Во Сирија, веќе опустошена од повеќе од 11 години граѓанска војна, владин здравствен претставник изјави дека повеќе од 237 луѓе загинале, а околу 600 се повредени, повеќето во провинциите Хама, Алепо и Латакија, каде што се урнале бројни згради.
Турција, исто така, беше погодена од силен земјотрес во 1999 година. Повеќе од 17.000 луѓе загинаа во северозападниот дел на земјата. Повеќе од 500 луѓе загинаа во земјотресот во 2011 година во градот Ван во источна Турција.
Инаку, во јануари 2020 година, земјотрес со јачина од 6,8 степени според Рихтеровата скала го погоди турскиот град Елазиг, при што загинаа повеќе од 40 луѓе. Во октомври истата година, земјотрес со јачина од 7 степени според Рихтеровата скала го погоди брегот на Егејското Море во Турција, при што загинаа 114 луѓе, а повеќе од илјада беа повредени.
Фото: Printscreen - https://t.me/sputniksrbija
Видео: Твитер