СПАСОВСКИ ПОДНЕСЕ ОСТАВКА: Не треба да бидам дел од новиот тим на СДСМ
Објавено во: Македонија 27 Декември, 2021
Министерот за внатрешни работи, Оливер Спасовски утринава поднесе оставка од функцијата потпретседател на СДСМ.
„На новиот претседател треба да му се даде можноста како што ја превзема одговорноста да биде лидер на партијата, да му се даде полно право во изборот на неговиот тим. Тој избор треба да го направи од нови луѓе, и затоа сметам дека не треба да бидам дел од новиот тим, се со цел да не го обременуваме ниту претседателот ниту новиот тим“, вели Спасовски.
Инаку, засега е неизвесно дали Спасовски ќе остане во новата Влада која ќе ја формира Ковачевски.
Како што пишувавме денеска на Централен одбор треба да се изберат новите потпретседатели. Се спомнуваат меѓу нив вицепремирот Фатмир Битиќи, градоначалникот на Валадново Петар Костадинов, пратеничката од Битола Бисера Костадинова Стојчева која стана попозната откако во Собранието дојде во скафандер и гласаше за помош и корона мерките. Некои медиуми јавија дека и Стефан Богоев, поранешниот градоначалник на Карпош може да биде промовиран како потпретседател.