Спасовски: Враќањето на Груевски нема да биде тема на разговор со Орбан
Објавено во: Македонија 21 Септември, 2024
Унгарскиот премиер Виктор Орбан на крајот од септември доаѓа во официјална посета на споје, а поранешниот министер за внатрешни работи Оливер Спасовски смета дека евентуалното враќање на бегалецот во Унгарија - поранешниот премиер Никола Груевски, нема да биде тема на разговор.
- Јас воопшто не сметам дека тема на разговор ќе биде Груевски и неговото враќање помеѓу Мицкоски и Орбан. Јас очекувам еден ден тој да биде екстрадиран, но тоа нема да се договори со Орбан, рече Спасовски.
Според пратеникот, помеѓу Македонија и Унгарија може да постојат несогласувања на партиско или индивидуално ниво, но на национално двете земји делат заеднички вредности.