Добивај вести на Viber
Оливер Спасовски, министерот за внатрешни работи, по повод празникот на жената - 8 Март, објави дека ќе се формира посебна полициска единица која ќе се бори поефикасно против родовото насилство.
„Денеска се обратив на онлајн трибина на Форумот на жени на СДСМ при што истакнав дека ќе формираме посебна единица во МВР за борба против родово насилство“, соопшти синоќа Спасовски.
Дополнително тој додаде дека е зголемено учеството на жените во управувачката структура на МВР, во редовите на полицијата и, како што вели тој, особено во командните структури на полицијата.
„Во 2015 година нема ниту една жена командир на полициска станица, а сега има неколку, како на пример во Куманово, на најголемиот граничен премин „Богородица“ во Гевгелија, но и во други неколку градови“, дополни Спасовски.