Според Московичи богатите даночни затајувачи се вампири
Објавено во: Свет 14 Ноември, 2017
Комесарот за економија и финансии Пјер Московичи ги нарече "вампири" богатите луѓе кои користат различни шеми за даночно затајување како оние кои се открија во Paradise Papers.
Московичи рече дека многу од шемите, откриени при последниот одлив за овие практики во офшор зони, се "легални и тоа значи дека законите треба да се менуваат“ . Еврокомесарот поддржува три пристапи за престанок на даночно затајување, кои ќе дејствуваат во рамките на целиот ЕУ: црна листа на даночните засолништа по целиот свет, поддржан од санкции; нови правила за транспарентност за даночни советници, банкари и адвокати; и задолжително известување по земја.
Европската комисија сака да биде договорена црна листа на самитот ЕКОФИН на 5 декември, на која присуствуваше Филип Хамонд, но Велика Британија се грижи за вклучувањето на британските прекуморски територии како Бермуди и Кајмански Острови во санкционата листа.
Комесарот изјави дека сака да бидат договорени правилата за транспарентност во областа на оданочувањето во рок од шест месеци, а новите процедури за известување да бидат воведени во рамките на една година.
"Овие агресивни шеми за оптимизирање на даночното планирање, многу од нив изгледаат сосема легитимни. Затоа мора да одговориме на правниот фронт така што ќе создадеме нова правна рамка. Ако тоа е легално, како што тврдат многумина, тогаш треба да го промениме законот", рече финансискиот комесар пред Европскиот парламент во Стразбур. "Транспарентноста е првото оружје во арсеналот . Тоа ќе ни овозможи да ја запреме културата на тајната и чувството за неказнивост на луѓето кои вршат даночно избегнување. Тие се некакви вампири. Се чини дека не се плашат од ништо, освен од светлината , па тоа е до нас да се генерира оваа светлина."
Paradise Papers содржат над 13 милиони доверливи документи за офшор инвестиции на богати луѓе од целиот свет
Документите содржат имињата на повеќе од 120 000 луѓе и компании и фрлија повеќе светлина врз даночните практики на многу богати, по истекот на Рanama Рapers во 2016 година.