Србија од 1 ноември останува без руска нафта
Објавено во: Економија 05 Октомври, 2022
Србија остана без руска нафта.
Земјата од 1 ноември не може да се снабдува со руска нафта преку Јадранскиот гасовод или било кое друго пристаниште.
Европската унија(ЕУ) подготви нов пакет санкции против Русија, а тоа значи дека од 1 ноември Србија не може да се снабдува преку Јадранскиот гасовод.
„Србија не воведува санкции кон Русија, па затоа не треба да има корист од остапувањето. Со овој став се согласни земјите-членки на ЕУ“, открива дипломатски извор.
Според првичниот план, требаше да се овозможи транзит на руска нафта преку нафтоводот низ Хрватска.
Неименуван висок претставник на Европска комисија, порача дека се очекува Србија на првиот состанок на европската политичка заедница во Прага да им објасни на лидерите на Европска Унија и на другите земји зошто не воведува санкции кон Русија иако преговара за членство во ЕУ.
Тој истакна дека не е планирана посебна дискусија за ставовите на Србија за воведување на санкциите против Русија, но потенцира оти некои земји-членки на ЕУ му придаваат значење, „иако Белград нема да биде ставен на обвинителна клупа на состанокот“.
Земјите членки на Европската Унија (ЕУ) се согласија за воведување на горна граница на цената на руската нафта и нов пакет на санкции за Русија, откако официјална Москва нелегално анектира четири региони во Украина.