СРЕДБА ЗАЕВ-ЦРВЕНКОВСКИ: Разговараа за важен регионален настан
Објавено во: Македонија 17 Мај, 2019
Иницијативата на Подгорочкиот клуб, беше темата на која дискутираа премиерот Зоран Заев и екс претседателот на државата, Бранко Црвенковски.
Двајцата разговараа да се организира регионална конференција во Скопје, на тема „Проширувањето на ЕУ на крстопат“.
Конференцијата треба да се одржи на почетокот на јуни и треба обезбеди поддршка за членство на земјите од Балканот во Унијата.
Конференцијата се планира да заврши со декларација, која ќе им биде испратена на лидерите на ЕУ, со укажување на негативните последици на национално и регионално ниво, што би произлегле од евентуалното одлагање на овој процес.
Црвенковски е член на Подгорочкиот клуб на поранешни претседатели на држави и шефови на влади на земјите од регионот.