Српски борбен авион надлетува над Нови Пазар
Објавено во: Балкан 28 Мај, 2019
Српски „МИГ-29“ лета на небото над Нови Пазар.
Еден борбен авион од типот „МИГ -29“ го надлета Нови Пазар во правец на Копнената безбедносна зона, пишуваат српските медиуми.
Пред 14 часот, од касарната на Војската на Србија во градот Краљево почнала да излегува колона воени возила полни со опрема и војска. Колоната се упатила во правец кон Рашка.
Во касарната непосредно пред поаѓање на колоната пристигнал српскиот министер за одбрана, Александар Вулин.
Српскиот претседател, Александар Вучиќ, по започнување на полициската акција во северно Косово, предупреди дека ако дојде до загрозување на безбедноста на српските државјани, „војската ќе го заштити населението“.
Денеска единицата РОСУ имаше акција во која уапси повеќе од 20 луѓе. Но, српските власти велат дека не станува збор за криминал како што тврди косовската страна туку целта е заплашување на српското население.