Српски министер ќе служи воена обука
Објавено во: Балкан 04 Март, 2019
Министерот за одбрана на Србија, Александар Вулун, денеска изјави дека се пријавил за воена обука во траење од 15 дена.
Вулин како гостин во РТС изјави дека ќе биде "еден од резервистите кои ќе поминат обука која трае 15 дена кога ќе помине медицинската контрола".
"Ако јас можам да одам, зошто не и другите", рече Вулин, зборувајќи за повиците за воена обука испратени овие денови до граѓаните кои не служеле во армијата и додаде дека "нема оправдување за да не се служи за својата земја".
Тој рече дека казната за непријавување е 50.000 динари и дека во Србија има "луѓе на кои им е премногу да одвојат 15 дена од годината за својата земја".
"Од минатата година почнавме да го правиме тоа, а оваа година 600 лица ќе бидат обученим Тоа се мажи постари од 30 години кои не служеле во армијата или служеле само како цивили", рече Вулин, додавајќи дека по укинувањето на задолжителниот воен рок над 200.000 мажи "не поминле ниту една форма на обука".
Владата на претседателот Александар Вучиќ во Србија е често критикувана поради популистичките мерки, а во земјата актуелни се низа протести против неговото владеење.