ССНМ го поздравува изборот на новото раководство на ЗНМ
Објавено во: Мои пари 18 Декември, 2018
ССНМ е сигурен дека ЗНМ ќе води политика на успешно сплотување на новинарите и на медиумската заедница и дека ќе имаaт успешна соработка во заштита на новинарите и во одбрана на слободата на говорот - стои во соопштението на Самостојниот синдикат на новинари и медиумски работници (ССНМ) во кое му го честитаат изборот на Младен Чадиковски за претседател на ЗНМ.
Од таму потсетуваат дека не само блиското минато, покажува дека новинарската фела и медиумската заедница, своите најголеми успеси во смисла на остварување на слободата на говорот и слободното дејствување на медиумите во својата јавно корисна работа, ги постигнувале само кога се сплотени во борбата за заедничките вредности, кои се воедно и универзални вредности и дел од основните човекови права и слободи.
На крај ССНМ упатува благодарност за досегашниот претседател Насер Селмани за успешната соработка во борбата за заедничките вредности.