18 Јули, 2018
0.3801
    ALK 8022.86    0.07%     GRNT 805    -1.97%     KMB 5100.28    0.85%     MPT 43389.66    0.94%     OKTA 4301    -0.83%     RMDEN09 98    2.22%     RMDEN16 95    0%     RMDEN17 95.95    0.05%     STIL 129.42    1.91%     TIKV 157    2.61%     TKVS 4650    0%     TNB 13700    -2.14%     TPLF 1089    9.98%     TTK 992.73    1.11%     UNI 2400    1.95%     ZILU 250    5.49%

СТАНКОВИЌ И ПРВАТА ДОМАШНА ИНВЕСТИЦИЈА ВО ЗОНА ВО ЛЕР: Како државата ги кочи инвеститорите

Објавено во: Економија 12 Јули, 2018

Хај Тек (Hi-Tech Corp.), првата домашна инвестиција во слободната економска зона Бунарџик, деновиве започна со пробно производство,но редовното се уште не е стартувано, затоа што сопственикот, македонскиот бизнисмен Саво Станковиќ, вели дека наишол на проблеми со инфраструктурата и со урбанистичките планови. Струја, вода, комуникации, дали навистина ќе се исплати чекањето, се прашува Станковиќ.

Тоа е негов втор, многу поголем и позначаен капацитет, покрај оној во Орешани. Камен-темелникот беше поставен на крајот од 2015 година, а требаше да започне со работа на крајот од 2016 година.

Корпорацијата произведува повеќеслојни печатени електронски плочи, кои во новиот центар треба да бидат асамблирани и да се зголеми нивната вредност на пазарот во Европа и преку Атлантикот.

ЌЕ ВРЕДИ ЛИ ЧЕКАЊЕТО?

Сега Станковиќ вели дека на патот му застанеле многу неочекувани работи. На свој грб почувствувал многу од недоследностите во системот.

„Во приватниот бизнис сум 40 години, но не очекував дека вака ќе се одолговлекуваат работите. Се надевам дека до септември се ќе биде во ред и ќе стартуваме со производството со полна гас. Деновивме го тестиравме пробно и задоволен сум на тој план. Во последните шест месеци се обидов да ги забрзам работите, но постојано имам проблеми со спроведувањето на струјата, водата, па и на гасот и комуникациите. Не може толку време да се губи, на пример,  за да се одлучи од каде да се спроведе приклучокот за струја. Постојано треба надлежните да се флексибилни со урбанистичките планови и тука решаваме банални проблеми, како тоа од која страна да биде влезот на погонот. Имам одлични односи со Дирекцијата за технолошки развојни индустриски зони, но другите служби навистина не се на нивото на задачата. Ако е ваков односот како да сме „Ветена земја“, треба да се запрашаме дали воопшто вреди да се чека толку време. Сум бил во многу слободни индустриски зони во странство и таму функционира се во интерес на производството - вели Станковиќ.

Вели дека досега ги запазил сите рокови со инвестициите и се придржува до планот од досега вложени 7,2 милиони евра во оваа инвестиција и дека го екипирал тимот од првите 100 вработувања, кои ги минале сите фази на тренинг и обука.

АМБИЦИИ ВО ЛЕР

Во текот на производството, вложувањата за 10 години треба да достигнат 20 милиони евра, а бројот на вработени да изнесува 300.

„Сите проекти се готови и компанијата воопшто не отстапи од својот план и затоа не очекував дека ќе се претвори ентузијазмот во една голгота. Работите може да ги споредите со еден автомобил, кој е вклучен, работи, но е ставен во лер и не вози. Ние треба да бидеме еден од најдобрите центри во Европа за асамблирање на електронските плочи што се произведуваат во Орешани. Тоа неколкукратно ќе го зголеми производство и извоз од она што сега се произведува таму.  Инсталирана е целата производствена опрема и чекаме на официјалниот старт во септември - додава Станковиќ.

Според првичниот план се работи за центар од 8.000 квадратни метри. Производите на Хај Тек наоѓаат широка примена во авионската, автомобилската, комуникациите и медицината, а клиенти на компанијата се големи глобални компании како „Континентал“, „Бош“, „Сименс“, „Филипс“ и други.

Парцелата на која се протега погонот е со големина од 19 илјади квадратни метри/

Александар Кузмановски

Можеби ќе ве интересира

Се одложува воведувањето на ГПРС фискални апарати, но таксистите ги мачи друг проблем

Се одложува воведувањето на ГПРС фискални апарати, но таксистите ги мачи друг проблем

Оваа валута ќе биде најмногу погодена од трговската војна

Оваа валута ќе биде најмногу погодена од трговската војна

Бектеши не сака трговска војна на Македонија со Косово

Бектеши не сака трговска војна на Македонија со Косово

Бизнисмени: Новиот закон за перење пари е на штета на стопанството

Бизнисмени: Новиот закон за перење пари е на штета на стопанството

ДИГИТАЛНАТА ВАЛУТА СЕ ПОСИЛНА: Биткоинот се враќа и пробива нова граница!

ДИГИТАЛНАТА ВАЛУТА СЕ ПОСИЛНА: Биткоинот се враќа и пробива нова граница!

Град Скопје потрошил многу помалку на тендери во 2017-та, Аеродром ги надмина Центар и Карпош

Град Скопје потрошил многу помалку на тендери во 2017-та, Аеродром ги надмина Центар и Карпош

За пензиите позајмува, а старите долгови тешко ги наплатува: Колку му должат на ПИОМ свештените лица и земјоделците?

За пензиите позајмува, а старите долгови тешко ги наплатува: Колку му должат на ПИОМ свештените лица и земјоделците?

Кој вложи 2,26 милиони евра во 2,9 отсто од акциите на „Макпетрол“

Кој вложи 2,26 милиони евра во 2,9 отсто од акциите на „Макпетрол“

Не стивнува интересот за акции на „Макпетрол“

Не стивнува интересот за акции на „Макпетрол“