Станот на поранешната СФРЈ лоциран во Трст ќе им припадне на Македонија и Србија
Објавено во: Македонија 23 Декември, 2021
Македонија и Србија добија стан на поранешна СФРЈ во Трст.
Земјите наследнички се согласија на двете земји да им го доделат станот на СФРЈ во Трст, oбјави словенечкото Министерство за надворешни работи. Како што јави дописникот на МИА од Белград, станот во последните години го користел студентскиот дом „Среќко Косовел“ во Трст. Државите наследнички го поделија целиот дипломатски имот на поранешната СФРЈ во регионот на Организацијата за економска соработка и развој (ОЕЦД). При крај е последната од петте продажби на недвижности во Токио, Бон, Берн и Њујорк.
Пред повеќе од пред 10 години вредноста на имотот на поранешна СФРЈ била проценета на 42 милиони долари. Станува збор за над 100 недвижнини.